Yaralanan Donald Trampa dəstəyini ifadə edən ilk lider Netanyahu olub

Mitinqdə atəş açılması nəticəsində yaralanan ABŞ prezidentliyinə namizəd Donald Trampa dəstəyini ifadə edən ilk ölkə lideri İsrailin Baş naziri Binyamin Netanyahu olub.

İsrailli siyasətçi sosial şəbəkədə yazıb:

“Sara və mən prezident Trampa açıq hücumdan sarsıldıq. Onun təhlükəsizliyi və tezliklə sağalması üçün dua edirik”.

Xatırladaq ki, ABŞ prezidentliyinə namizəd Donald Trampın mitinqi zamanı atəş açılıb.