Yeni təxribat aktı: Amerika Tayvan boğazında təlimlər keçirir

Amerika rəsmisi ölkənin Tayvan boğazında yeni dəniz və hava hərbi təlimi keçirəcəyini açıqlayıb.

ABŞ rəsmisi AFP-yə bildirib ki, Vaşinqton tezliklə Tayvan boğazında yeni dəniz və hava hərbi təlimi keçirəcək.

Digər Amerika rəsmisi də Çinin Tayvan adası ətrafında 12-dən çox döyüş gəmisi yerləşdirdiyini iddia edib.

Pekinin xəbərdarlıqlarına baxmayaraq, Pelosinin Tayvana mübahisəli səfərindən sonra Çin bir neçə gün ərzində Tayvan boğazı ətrafında genişmiqyaslı təlimlər keçirdi və Çin mediası bu təlimləri Tayvan adasına hücum və ya mühasirəyə almaq üçün bir növ təlim kimi qiymətləndirdi.

Çin Tayvanı dəstəkləmək üçün istənilən tədbiri onun suverenliyinin pozulması kimi qiymətləndirir və Tayvanın yüz illərdir Çinin bir hissəsi olduğunu bildirir və onu geri almaq üçün güc tətbiqini istisna etmir.

Çin çoxdan Tayvan üçün ada Çinlə birləşdirildikdən sonra nəzəri cəhətdən ona daha böyük muxtariyyət verəcək “bir ölkə, iki sistem” siyasətini təklif edir.

Bu həftənin əvvəlində Çin hökuməti Çinin əvvəllər vəd etdiyindən daha az dəyişiklik təklif etdiyini bildirən bir sənəd yayımladı.

Son iki onillikdə bir ilk hesab edilən bu sənəddə Çinin Tayvanla bağlı siyasəti bəyan edilmişdi və əvvəlki hallarda Çinin Tayvanla birləşməsindən sonra adaya hərbi və ya icraçı kadr göndərməyəcəyi deyilsə də sənəddən həmin maddə çıxarılıb və Tayvanı geri almaq üçün güc tətbiqi istisna edilməyib.