Əmir Abdullahiyan: Sionistlər İslam dünyasındakı yaxınlaşma dalğası və özlərinin daxili çöküş perspektivi qarşısında çaşqınlıqdadırlar

İran İslam Respublikasının Xarici işlər naziri sionist hərbçilər tərəfindən Məscidül-Əqsanın təhqir olunmasına toxunaraq deyib: Sionistlər İslam dünyasındakı yaxınlaşma dalğası və daxili çöküş ehtimalı qarşısında çaşqınlıq içindədirlər.

İran İslam Respublikasının Xarici İşlər Naziri Hüseyn Əmir Abdullahiyan bu gün (cümə axşamı) aprelin 6-da sionistlərin Məscidül-Əqsada müsəlmanlara hücumu ilə bağlı Tvitter səhifəsində yazıb:

Saxta İsrail rejimi əsgərlərinin Məscidül-Əqsaya qarşı təhqiri və ibadət edənlərə gecə hücumu ağrılı mənzərələr yaradıb ki, bu da sionist terrorçuların cinayətlərinə göz yuman insan haqları iddiaçılarının davranışlarının nəticəsidir.

O, əlavə edib: Sionistlər İslam dünyasındakı yaxınlaşma dalğası və daxili çöküş perspektivi qarşısında çaşqındırlar.

İran İslam Respublikası Xarici İşlər Nazirliyinin sözçüsü Nasir Kənani sionist rejim hərbi qüvvələrinin dünən (5 aprel, çərşənbə) Məscidül-Əqsada fələstinli zəvvarlar və ibadət edənlərə hücumunu pisləyib.

Qeyd edək ki, sionist rejim hərbçiləri aprelin 6-da vətəndaş itaətsizliyi bəhanəsi ilə Məscidül-Əqsaya basqın edərək, Ramazan ayında bu müqəddəs məkanda etikaf edən və namaz qılan fələstinliləri həbs ediblər.

Məscidül-Əqsada 400 fələstinli ibadətçinin həbsindən və 240 nəfərin yaralanmasından sonra, onlarla sionist mühacir çərşənbə günü səhər ciddi təhlükəsizlik tədbirləri ilə Məscidül-Əqsanın həyətlərinə hücum ediblər.