2 min 148 yaralı israilli Soroka xəstəxanasına köçürülüb

Sionist rejimin Soroka xəstəxanası cümə axşamı gecəsi Qəzzada müharibənin başlanmasından (7 oktyabr) bu xəstəxanaya yalnız 2148 yaralı israillinin köçürüldüyünü elan edib.

İRNA-nın Fələstin mediasına istinadən verdiyi məlumata görə, bu xəstəxananın rəsmiləri son 24 saat ərzində Qəzzada daha 35 yaralı əsgəri qəbul etdiklərini, onlardan səkkizinin vəziyyətinin ağır olduğunu vurğulayıblar.

Bu gün Qəzza zolağında bir neçə istiqamətdə Fələstin müqavimət döyüşçüləri ilə sionist ordusu arasında gedən döyüşdə 10 israilli zabit və əsgər həlak olub, ən azı 8 tank və zirehli transportyor məhv edilib.

Bundan əvvəl sionist rejimin “Kəfir” briqadasının komandiri “Aşer bin Lulu” demişdi: “Qəzzada müharibə çox ağır və mürəkkəbdir; Fələstin döyüşçülərini görmürsən, amma onların yaxınlıqda olduğunu bilirsən.”

O, əlavə edib: Müqavimət qüvvələri Əş-Şücaiyyə məhəlləsindəki tunellərdən çıxır və əsgərlərimizə atəş açır.

Digər tərəfdən, sionist “Yediot Aharnot” qəzeti daha əvvəl Qəzzaya qarşı müharibədə 5 min sionist əsgərin yaralandığını, onlardan 2 mininin əlil olduğunu bildirmişdi. Bu xəbər geniş reaksiyalara səbəb olmuş və eyni gündə bu qəzet yaralananların sayının 2000 nəfər olduğunu açıqlamışdı.

Xəbər mənbələrinin məlumatına görə, sionist rejimin Qəzzə xalqına qarşı müharibəsinin başlanğıcından indiyədək 10584 sionist əsgər yaralanıb, onlardan 131-i müalicə zamanı dünyasını dəyişib və 471-nin vəziyyəti çox ağırdır.

Fələstin müqavimət qrupları 7 oktyabr 2023-cü il şənbə günü Qəzzadan (Fələstinin cənubu) işğalçı Qüds rejiminin mövqelərinə qarşı “Əl-Əqsa tufanı” adlı qəfil əməliyyata başlayıb. Qəzza zolağındakı müharibə nəticəsində 18 mindən çox Fələstin vətəndaşı şəhid olub.