Fələstin Administrasiyası: Qəzzada aclıqdan uşaqların ölümü hər gün artır
Fələstin Administrasiyasının informasiya bürosunun direktoru bazar ertəsi gecə xəbərdarlıq edib: Aclıq və qıtlıq nəticəsində ölən uşaqların sayı hər gün artır.
İRNA-nın Qətərin “Əl-Cəzirə” kanalına istinadən verdiyi məlumata görə, bu məmur deyib: Sionist rejim qadın və uşaqlara qarşı kütləvi qətliamları davam etdirir.
O, əlavə edib: 100 bölgədə 2 milyondan çox köçkün var ki, aclıqlarını aradan aparmaq üçün heç nə tapa bilmirlər.
Qəzzadakı Fələstin Səhiyyə Nazirliyi İsrailin Qəzza sakinlərinə qarşı müharibəsinin başlamasından bu yana 31 min 112 nəfərin şəhid olduğunu açıqlayıb.
Bu hesabata əsasən, bu müddət ərzində 72 min 760 Qəzzə sakini də sionist rejimin vəhşi hücumları nəticəsində yaralanıb.
Fələstin Səhiyyə Nazirliyi əlavə edib: Ötən 24 saat ərzində İsrail rejiminin 9 hücumu nəticəsində bu bölgənin 67 sakini şəhid olub, 106 nəfər isə yaralanıb.
Nazirlik belə davam edib: İndiyədək Qəzza zolağında qida çatışmazlığı və aclıq səbəbindən 25 fələstinli şəhid olub.
Sionist rejim oktyabrın 7-də “Əqsa tufanı”nın hücumlarına cavab vermək və onun məğlubiyyətini kompensasiya etmək və müqavimət əməliyyatlarını dayandırmaq üçün Qəzzə zolağının keçidlərini bağlayıb, yaşayış məntəqələrini, mülki şəxslər, xüsusilə qadınlar və uşaqları bombalayır.
