ABŞ-da Los Anceles Times-a Qəzzadan yazmaq qadağan edildi
İsrailin hərəkətlərini kəskin tənqid edən açıq məktubu imzalayan ABŞ-ın “Los Anceles Tayms” qəzetinin jurnalistləri ən azı üç ay müddətinə Qəzza zolağında münaqişəni işıqlandırmaqdan kənarlaşdırılıb.
Bu barədə “Semafor” nəşri mənbələrə istinadla məlumat yayıb.
Nəşrin məlumatına görə, noyabrın əvvəlində qəzetin 10-a yaxın jurnalisti Qəzzanın bombalanmasını və jurnalistlərin ölümünü pisləyən açıq məktub yazıb. Noyabrın 9-dan etibarən məktub bütün dünyada 1200-ə yaxın media işçisi tərəfindən imzalanıb. Jurnalistlər məktubda digər məsələlərlə yanaşı, həmkarlarını İsrailin hərəkətləri, o cümlədən “aparteid”, “etnik təmizləmə” və “soyqırım” ifadələri barədə məlumat verərkən sərt dildən istifadə etməyə çağırıblar.
