ABŞ-ın İraqdakı bazasına PUA zərbəsi olub
İraqın Ənbar əyalətində pilotsuz uçuş aparatının (PUA) ABŞ-ın Ayn əl-Əsəd hərbi bazasına hücumu olub.
Bu barədə İraq İslam Müqaviməti hərəkatına daxil olan şiə silahlı qruplaşmaları məlumat verib.
Hərəkatın “Telegram” kanalında dərc olunan bəyanatına görə, Ayn əl-Əsədə zərbə “düşmənin Qəzza zolağında törətdiyi cinayətlərə cavab olaraq” həyata keçirilib. Hərəkat tərəfdarlarının fikrincə, PUA nəzərdə tutulan hədəfi vurub.
Dəymiş ziyanla bağlı məlumat verilmir.
Qeyd edək ki, sonuncu dəfə noyabrın 23-də Ayn əl-Əsəd bazasına hücum edilib.
