ABŞ-ın İraqdakı Eynul-Əsəd bazası raket hücumları ilə hədəfə alınıb

ABŞ-ın İraqdakı Eynul-Əsəd bazası raket hücumları ilə hədəfə alınıb

Xəbər mənbələri ABŞ ordusunun İraqın qərbindəki qərargahı olan Eynul-Əsəd bazasının müxtəlif silahlarla hədəfə alındığını bildirib.

İraq İslami Müqaviməti bəyanat yayaraq, Eynul-Əsəd bazasına edilən hücumun məsuliyyətini üzərinə götürüb və hücumun pilotsuz təyyarə ilə həyata keçirildiyini və hədəfi vurduğunu deyib.

Dünən İraqın Əl-Ənbar əyalətindəki təhlükəsizlik mənbəsi Eynul-Əsəd bazasında Amerika əsgərlərinə edilən hücumun yeni təfərrüatlarını açıqlayıb və deyib: “Bazadan 3 Amerika əsgərinin ölümü ilə bağlı təsdiqlənmiş məlumat raket hücumundan sonra sızdırılıb.”

Bu mənbənin sözlərinə görə, bu hücum həm də bu bazanın müxtəlif hissələrinə, o cümlədən radar sistemlərinə və müşahidə qüllələrindən birinə çoxlu ziyan vurub.

Eyni zamanda, bu iraqlı mənbə qeyd edib ki, Əl-Ənbar vilayətində monitorinq sistemlərinin sıradan çıxması səbəbindən hərbçilər arasında yaranan panikadan sonra hərbi vertolyotların Eynul-Əsəd bazasına yeni texnika və daha çox hərbi personal daşıdığı müşahidə edilib.

Sözügedən mənbə açıqlamasının sonunda raketlərin Eynul-Əsəd bazasının pilotsuz təyyarələr və raket hücumları ilə hədəfə alındığını və hədəfləri vurduğunu da bir daha vurğulayıb.

İraqın İslami Müqaviməti oktyabrın 18-də çərşənbə günü bəyanat yayaraq, Amerika işğalçılarının İraqın əl-Ənbar əyalətində yerləşən Eynul-Əsəd və bu bölgənin şimalında yerləşən Əl-Hərir adlı iki bazasına pilotsuz təyyarələrin uğurlu hücumunu elan edib.

İraq müqaviməti bu əməliyyatların intensivləşməsi ilə bağlı xəbərdarlıq edərək, ordu və təhlükəsizlik qüvvələrinə Amerika qüvvələrinin yerləşdiyi və onların qovşağında olduqları mərkəzlərdən uzaq durmağı tövsiyə edib.

Cümə axşamı xəbər mənbələri İraqdakı Eynul-Əsəd bazasının pilotsuz təyyarələr və raket hücumları ilə hədəfə alındığını bildirib. Bu baza İraqın qərbində Amerika və digər beynəlxalq qüvvələrin yerləşdiyi yerdir.

Amerika qüvvələrinin Ət-Tanifdəki (Suriyanın şərqi) bazası və bu əsgərlərin Suriyanın şərqində yerləşən “Koniko” qaz yatağındakı bazası da cümə axşamı səhər saatlarında hədəfə alınıb. İraq və Suriyadakı müqavimət qüvvələri fələstinli döyüşçülərin əməliyyatlarından sonra bir neçə dəfə amerikalı terrorçuların mövqelərini hədəfə alıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

16 + twenty =