ABŞ-ın Yəmənə mümkün təcavüzü ilə mübarizə üçün bütün variantlar mövcuddur

Yəmənin Ali Siyasi Şurasının yüksək rütbəli üzvü Qırmızı dənizin təhlükəsizliyini istəyən hər kəsin Qəzzada sionist rejimin təcavüzünü dayandırmalı olduğunu bildirib və deyib: Yəmən xalqı Amerikanın hücumuna göz yummayacaq.

Mehr Xəbər Agentliyinin Əl-Məyadin-ə istinadən verdiyi məlumata görə, Yəmənin Ali Siyasi Şurasının üzvü Məhəmmədəli Əl-Husi ABŞ-ın elan etdiyi koalisiyanın məqsədinin beynəlxalq gəmiçilik deyil, “İsraili qorumaq” olduğunu bildirib.

Əl-Husi Əl-Məyadin-lə müsahibəsini davam etdirərək əlavə edib: “Bizim söz və bəyanatlarımız İsrail gəmiləri və ya işğal olunmuş Fələstin limanlarına gedən gəmilər istisna olmaqla, beynəlxalq daşımaların təhlükəsiz olduğunu təsdiqləyir.” ABŞ-ın hərəkətləri Qırmızı dənizi hərbiləşdirəcəkvə beynəlxalq yük daşımalarına zərbə vuracaq.

Bu yüksək rütbəli yəmənli rəsmi bildirib: Amerika Qəzza xalqının sionistlər tərəfindən öldürülməsini dəstəkləyir və Qırmızı dənizin təhlükəsizliyini istəyən hər kəs İsrailin qətllərini dayandırmalıdır.

Əl-Husi vurğulayıb: Əgər Yəmən Amerika və ya qeyri-Amerikan hücumuna məruz qalarsa, Yəmən xalqı əli-qolu bağlı qalmayacaq. ABŞ-ın Yəmənə qarşı hər hansı mümkün hücua cavab vermək üçün bütün variantlar mövcuddur. Yəmənə təcavüz etmək üçün hava məkanını açan istənilən ölkə cavablandırılacaq.

Yəmənin Ali Siyasi Şurasının yüksək rütbəli üzvü həmçinin deyib: Səudiyyə Ərəbistanı və BƏƏ-yə Fələstin xalqını dəstəkləyənlərin qarşısında israillilərin tərəfinə keçməməyi tövsiyə edirik. Səudiyyə Ərəbistanının gələcəyi işğalçı rejim tərəfindən təhlükə altındadır. Biz istəmirik ki, Səudiyyə Ərəbistanı İsraili dəstəkləmək üçün hər hansı koalisiyaya daxil olsun. Fələstin məsələsində bitərəf olmaq Səudiyyə Ərəbistanının marağında deyil. Həmçinin, Misirin Qırmızı dənizdəki Amerika dəniz koalisiyasına qarşı mövqeyi Süveyş kanalını qoruyur.

Sonda Məhəmmədəli Əl-Husi deyib: Fələstində baş verən hadisələrdən əziyyət çəkən hər bir müsəlmandan xahiş edirəm ki, sionist rejimi dəstəkləyən ölkələrin banklarından öz maliyyə aktivlərini çıxarsınlar.