ABŞ və Britaniya HAMAS-a qarşı yeni sanksiyalar tətbiq edib

ABŞ və Britaniya HAMAS-a qarşı yeni sanksiyalar tətbiq edib

ABŞ və Böyük Britaniya HAMAS-a qarşı yeni sanksiyalar tətbiq edib.

Bu barədə ABŞ Maliyyə Nazirliyinin mətbuat xidməti məlumat yayıb.

“Bu gün ABŞ Maliyyə Nazirliyinin Xarici Aktivlərə Nəzarət İdarəsi (OFAC) HAMAS-ın İsrailə qarşı 7 oktyabr terror hücumlarından sonra onunla əlaqəsi olan fiziki və hüquqi şəxslərə qarşı növbəti sanksiyaları tətbiq edib. Bu, HAMAS-ın əsas rəsmilərini və İranın HAMAS və Fələstin İslami Cihadına (PIJ) dəstək verdiyi mexanizmləri hədəf alır”, – qeyd olunub.

Məlumatda bildirilib ki, bugünkü sanksiyalar Böyük Britaniya ilə koordinasiyalı şəkildə tətbiq olunur və “beynəlxalq maliyyə sistemini HAMAS və onlara kömək edənlər tərəfindən sui-istifadədən qorumaq məqsədi daşıyır”.

Eyni zamanda, ABŞ Dövlət Departamenti PIJ-nin hərbi qanadının liderinə sanksiya tətbiq edib.

Sanksiya tətbiq olunan şəxslər arasında HAMAS-ın həmtəsisçisi Mahmud Xalid Zahhar, PIJ-in İrandakı nümayəndəsi Nasser Əbu Şarif, Dəməşqdə yerləşən PIJ baş katibinin müavini və PIJ-nin silahlı qanadı olan Əl-Qüds Briqadalarının lideri Əkrəm əl-Ajourinin adları var.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

seventeen + twelve =