ABŞ və İordaniya Qəzza zolağına yeni humanitar yardım göndərib
![ABŞ və İordaniya Qəzza zolağına yeni humanitar yardım göndərib](https://sizinyol.org/wp-content/uploads/2024/03/1710943211-1028765-1b6ca59f-d219-39f2-80dc-40387753fb66_850.png)
ABŞ və İordaniya Qəzza zolağının şimal hissəsinə növbəti humanitar yardım çatdırıb.
Bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
“CENTCOM və İordaniya Krallığının Hərbi Hava Qüvvələri martın 20-də Qəzzanın şimalına birgə humanitar yardım göndərib. Yardım davam edən münaqişədən zərər çəkmiş mülki şəxslərə lazımi dəstəyi təmin etmək üçün həyata keçirilib”, – qurumdan bildirilib.
Məlumata görə, yardım paketində düyü, un, süd, makaron və konservlər də daxil olmaqla 2,7 tona yaxın ərzaq yer alıb.