ABŞ və İsrail müdafiə nazirləri girovların azad edilməsi prosesini müzakirə ediblər

ABŞ müdafiə naziri Lloyd Ostin israilli həmkarı Yoav Qalant ilə telefon danışığında girovların azad edilməsi qərarını alqışlayıb və bu qərarın Qəzza zolağına humanitar yardım və yanacaq tədarükünün artmasına səbəb olacağını vurğulayıb.

Bunu Pentaqonun mətbuat katibi Patrik Rayder açıqlamasında deyib.

Eyni zamanda, Ostin razılığın əldə olunmasında İsrail, Qətər və Misir hökumətlərinin mühüm rolunu qeyd edib.

Pentaqon rəhbəri həmçinin Livandan İsrailə qarşı sərhədyanı hücumları pisləyib və ABŞ-ın Qəzza zolağındakı münaqişənin Livana keçməsinin qarşısını almaqda maraqlı olduğunu təsdiqləyib.