Ağ Ev ABŞ-ın HAMAS ilə əlaqə saxladığını etiraf edib
ABŞ Fələstinin HAMAS hərəkatı ilə əlaqə saxlayıb.
Bu barədə Ağ Evin Milli Təhlükəsizlik Şurasının (MTŞ) Strateji Kommunikasiyalar üzrə koordinatoru Con Kirbi məlumat verib.
“HAMAS ilə əlaqə saxlamaq üçün bir yolumuz var. Bu üsuldan istifadə edirik. Biz isə bu insanların (girovlar – Lenta.ru qeydi) öz ailələrinə qovuşması üçün mümkün olan hər şeyi edirik”, – Amerika administrasiyasının nümayəndəsi bildirib.
O əlavə edib ki, ABŞ Qəzza zolağında öz ordusunu yerləşdirmək və girovları azad etmək üçün onlara əmr vermək niyyətində deyil.
