Amerika bankı on minlərlə işçisini ixtisar edəcək

Amerikanın maliyyə korporasiyası Citigroup yaxın iki il ərzində 20 min əməkdaşını ixtisar etməyi planlaşdırır.

Reuters xəbər verir ki, bu barədə korporasiyanın maliyyə direktoru Mark Meyson məlumat verib.

İşçilərin ixtisarının 2023-cü ilin sentyabrında elan edilmiş genişmiqyaslı restrukturizasiya çərçivəsində baş tutacağı dəqiqləşir. Bunun korporasiyaya xərcləri 2-2,5 milyard dollar azaltmağa imkan verəcəyi gözlənilir.

Bundan əvvəl məlum olub ki, 2023-cü ildə dünyanın 20 ən böyük bankı rekord sayda – 61,9 min işçini ixtisar edib. Credit Suisse-i mənimsəmiş İsveçrənin UBS Qrupu ən çox işçini (13 min nəfər) işdən çıxarıb. İkinci yerdə American Wells Fargo və Citigroup qərarlaşıb: müvafiq olaraq 12 və 5 min işçi.