Amerikalı səyyah: Minaların insan həyatına necə təsir etdiyini yaxşı başa düşdük
Biz minalanmış ərazilərdəyik və gördüyünüz kimi, bu ərazilər qırmızı rəngli xəbərdarlıq lövhələri ilə işarələnib.
Bunu işğaldan azad edilmiş ərazilərə səfər edən beynəlxalq səyyahlar qrupunun üzvü amerikalı səyyah Ravi Prabhu deyib.
“Biz həmçinin, öz gözlərimizlə mina zərərsizləşdirilməsi prosesini izlədik, böyük, öldürücü partlayışı gördük. Onun güclü səsini eşitdik. Bu, dəhşətli idi. Bununla da biz minaların insanların həyatına necə təsir etdiyini, insanların qorxu içində yaşadığını daha yaxşı başa düşdük. Çox sayda minaların ortasında olmaq, kifayət qədər qorxunc təcrübədir”, – o əlavə edib.
