BMT: 2030-cu ildə yarım milyard insan hələ də ifrat yoxsulluq içində yaşayacaq 

BMT: 2030-cu ildə yarım milyard insan hələ də ifrat yoxsulluq içində yaşayacaq 

Qlobal tərəqqinin hazırkı tempi davam edərsə, 2030-cu ildə 575 milyon insanın hələ də ifrat yoxsulluq içində yaşayacağı, 84 milyon uşağın məktəbdən kənar qalacağı qaçılmazdır.

“Report” “Associated Press”ə istinadən xəbər verir ki, bu barədə BMT-nin hesabatında deyilir.

Hesabata görə, 2015-ci ildə dünya liderləri tərəfindən 7 milyarddan çox insanın həyatını yaxşılaşdırmaq üçün qəbul edilmiş geniş əsaslı hədəfdən yalnız 15%-nə onilliyin sonuna kimi nail olunacaq.

Hədəflərin təxminən yarısı qrafikdən orta və ciddi şəkildə geri qalır və onların 30%-i yoxsulluq, aclıq və iqlim dəyişikliyi ilə mübarizə üçün əsas hədəflər də daxil olmaqla geriləyir.

2030-cu il üçün hədəflərə aclığa son qoyulması, hər bir uşağın keyfiyyətli ibtidai və orta təhsillə təmin edilməsi, gender bərabərliyinə nail olmaq, bütün insanların təmiz içməli su ilə təmin edilməsi daxildir.

BMT baş katibinin iqtisadi və sosial məsələlər üzrə müavini Li Junhua deyib ki, Ukraynadakı müharibə, iqlim dəyişikliyi, COVID-19 pandemiyasının uzun müddət davam edən təsirləri, xüsusilə də onun inkişaf etməkdə olan ölkələrə dağıdıcı maliyyə təsiri və geosiyasi gərginliklər məqsədlərə çatmaqda çətinlik yaradır.

Report.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

6 + 12 =