BMT-nin xüsusi nümayəndəsi Ayətullah Sistani ilə görüşdü

İraqın böyük mərcəyi-təqlid alimi Ayətullah Seyid Əli Hüseyni Sistani sentyabrın 13-ü BMT-nin İraq üzrə nümayəndəsi Canin Hennis-Plasxartı qəbul edib.

Deyerler.org Al-Kafeel-ə istinadən xəbər verir ki, Ayətullah Sistani görüşdə bəzi vacib mövzulara münasibətlərini bildirib. Bu məqamlar aşağıdakı kimidir:

Birincisi; Gələn il keçirilməsinə qərar verilmiş seçkilər son dərəcə vacibdir. Bu seçkilərin yüksək dərəcədə etibarlı olması üçün vətəndaşların seçkilərdə geniş miqyasda iştirak etməsi üçün lazım olan şərtlər təmin edilməlidir. Bu məqsədlə seçkilər mütləq bəzi siyasi qurumların və ya partiyaların şəxsi maraqlarından uzaq, ədalətli və insaflı bir qanuna uyğun olaraq edilməlidir. Eyni zamanda seçkilərin müxtəlif mərhələlərində qanun pozuntusu olmamalı və şəffaflıq təmin olunmalıdır. Proses diqqətlə monitorinq edilməli və BMT missiyasındakı müvafiq şöbələrlə əlaqələndirilərək nəzarət edilməlidir.

Erkən seçkilərin təxirə salınmaması və ya vətəndaşların çoxunu inandıracaq nəticələr ortaya qoyaraq, uğurlu ola bilməsi üçün lazımlı şərtlər təmin olunmadan seçkilərin keçirilməsi, ölkədəki problemin dərinləşməsinə səbəb olacaq – Allah qoymasın – ölkənin birliyini və övladlarının gələcəyini təhdid edən bir vəziyyətin yaranmasına yol açacaq. Bu baş verərsə, hakimiyyətdəki söz sahibi olan bütün tərəflər peşman olacaqlar.

İkincisi; Mövcud hökumət sosial ədalətə çatmaq, sərhədlərə nəzarət etmək, təhlükəsizlik qüvvələrinin fəaliyyətini yüksək intizam və peşəkarlıqla səciyyələndirilə biləcək şəkildə gücləndirmək, dövlətin nüfuzuna üstünlük vermək, icazəsiz silahları toplamaq və ölkənin bəzi bölgələrinin qüvvədə olan bir sıra güruhların qüvvədəki qanunlardan uzaq, fərqli adlarla və silahlı qüvvələr tərəfindən idarə olunmasının qarşısını almaq üçün addımlar atmışdır. Hökuməti bu addımları daha güclü və qətiyyətlə atmağa davam etməyə dəvət edirik.

Hökuməti, qanunla tələb olunduğu kimi, korrupsiyaya qarşı və hər hansı bir seçki qaydasından uzaq bir şəkildə böyük korrupsiya işlərini açmağa dəvət edirik. Bu şəkildə korrupsiya törətmiş hər kəs ədalətli şəkildə cəzalandırılacaq və xalqın hüquqları ondan geri alınacaq. Korrupsionerin hansı məqamda olursa olsun və ya kimdən dəstək alırsa alsın, fərq etmir. Eyni zamanda hökumətdən keçən il islahat tələb edən xalq etirazlarının başlanmasından etibarən etirazçılara, təhlükəsizlik qüvvələrinə və ya günahsız vətəndaşlara qarşı qətllər, yaralama və s. işlər görən, dövlət əmlakına və ya xüsusi mülklərə hücum edənləri ifşa etmək üçün səylə çalışmağa çağırırıq. Xüsusilə adam qaçırma və ya son sui-qəsdlərin arxasındakı tərəfləri üzə çıxarın. Bu cinayət əməllərini törədənlərə qarşı ədalətin təmin edilməsi təcili bir tələbdir, mütləq bir gün reallaşmalıdır. Bu təkrarlamalarının qarşısını almaq və bənzərlərini təkrarlamamaları baxımından təsirli həll üsuludur.

Üçüncüsü; Vətənin müstəqilliyini qorumaq, suverenliyinin pozulmasının və tapdalanmasının qarşısını almaq, ölkənin işlərinə xarici müdaxiləyə qarşı çıxmaq və ölkənin bölünməsi və parçalanması təhlükəsini aradan qaldırmaq hamının məsuliyyətidir. Bunun üçün həm bu gün, həm də gələcəkdə iraqlıların maraqlarını təzahür etdirən bir çox mürəkkəb məsələlərə qarşı milli birlik mövqeyi sərgilənməlidir. İstəklərin toqquşduğu və fərdlərin, partiyaların və ya bölgələrin mənafelərinin arxasında olduğu şərtlərin kölgəsində buna nail olmaq mümkün deyil. Beləliklə, bütün tərəflərdən milli məsuliyyətin tələb etdiyi səviyyəyə yüksəlmək və səbəbindən asılı olmayaraq millətin suverenliyini, sabitliyini, siyasi qərarının müstəqilliyinə laqeyd yanaşmamaq tələb olunur.

Deyerler.org