Danimarkadan İslama və Türkiyəyə qarşı daha bir alçaq hərəkət

Danimarkanın ifrat irqçi “Vətənpərvərlər Yayına Başlayır” qruplaşmasına mənsub biri qadın olan üç nəfər Türkiyənin Kopenhagendəki səfirliyi qarşısında ikinci aksiya təşkil edərək Quranı yandırıblar.

Publika.az xəbər verir ki, onlar özləri ilə gətirdikləri Türkiyə bayrağı ilə Quranı yerə ataraq tapdalayıblar.

Aksiya boyu polis Türkiyə səfirliyinin darvazasında və ətrafında keşik çəkib.

Türkiyə bu hadisəyə sərt reaksiya verib.

Xarici İşlər Nazirliyindən verilən açıqlamada bildirilir ki, Danimarkanın Ankaradakı səfiri XİN-ə çağırılıb və bu alçaq hərəkət şiddətlə qınanıb. “Biz Danimarka hakimiyyətini bu cür təxribatların təkrarlanmaması üçün təsirli tədbirlər görməyə çağırırıq”, – açıqlamada deyilir.

Publika.az