Əl-Məşat: Amerika Yəmən Hərbi Dəniz Qüvvələri şəhidlərinin qanının bədəlini ödəyəcək

Əl-Məşat: Amerika Yəmən Hərbi Dəniz Qüvvələri şəhidlərinin qanının bədəlini ödəyəcək

Yəmənin Ali Siyasi Şurasının rəhbəri Mehdi Əl-Məşat şənbə günü gecə deyib ki, Amerika Hərbi Dəniz Qüvvələri şəhidlərinin qanının bədəlini ödəyəcək.

İRNA-nın Əl-Məsirəyə istinadən verdiyi xəbərə görə, Mehdi Əl-Məşat deyib: Yəmən Hərbi Dəniz Qüvvələri şəhidlərinin qanı Amerika düşməni ilə yeni döyüşün əsasını qoyub.

O, əlavə edib: Əgər Amerika Yəmən qüvvələrinin qatillərini Yəmənə təhvil verməsə, şübhəsiz ki, bu cinayətə cavab veriləcək.

Yəmənin Ali Siyasi Şurasının sədri əlavə edib: Amerika Yəmən dəniz qüvvələrini hədəf almağın əvəzini ödəyəcək və bununla da üzünə heç vaxt bağlaya bilməyəcəyi bir qapı açdı.

Əl-Məşat həmçinin vurğulayıb ki, sionist rejimə aid gəmilər heç vaxt Qırmızı dənizdən keçməyəcək.

O deyib: Qəzzada gündəlik cinayətlər, sionist rejim və ona dəstək verən Amerika terrorizminin hücumları dayandırılmaqla sülh əldə olunacaq.

Yəmən silahlı qüvvələri Qırmızı dənizin keşikçiləridir və 40 milyon yəmənli döyüşçü bu qüvvələrə dəstək verir və döyüşməyə hazırdır.

Əl-Məşat əlavə etdi: Sülh iddiasında olan Amerika beynəlxalq hüquqa məhəl qoymayaraq dünya xalqları qarşısında rüsvay edildi və bu məsələ bu ölkə üçün rüsvayçılıq sayılır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

3 × 3 =