Ənvər İbrahim: Ər-Riyaddakı görüşdə Fələstin üçün ədalətin həyata keçirilməsini vurğulayırıq

Malayziyanın baş naziri İslam və ərəb ölkələrinin Qəzza və Livandakı vəziyyətlə bağlı gələn həftə Ər-Riyadda keçiriləcək toplantısında ölkəsinin Fələstin üçün ədalətin həyata keçirilməsinin vacibliyini vurğulayacağını deyib.

İRNA-nın məlumatına görə, Ənvər İbrahim bu gün (4 noyabr) Malayziya parlamentinin iclasında deyib: İslam və ərəb ölkələrinin noyabrın 11-də Səudiyyə Ərəbistanının Ər-Riyad şəhərində keçiriləcək fövqəladə iclası Malayziyanın Fələstinin ədaləti istiqamətindəki mövqelərinin sabitliyini artıracaq.

Ənvər İbrahim X sosial media hesabında parlament zalında çıxışının videosunu dərc edərək yazıb: Malayziya humanitar prinsipləri tapdalamaqda davam edən sionist rejimin cinayətlərinə qarşı mövqeyini yeniləyəcək.

Ənvər İbrahim daha sonra vurğulayıb: Malayziya İsrail tərəfindən Qəzza və ümumilikdə Fələstinin qeyri-qanuni işğalına son qoyulmasını tələb etmək üçün beynəlxalq ictimaiyyətə qoşulacaq.

Səudiyyə Ərəbistanının xarici işlər naziri Feysəl bin Fərhan keçən həftə Qəzza və Livandakı vəziyyətlə bağlı ərəb və müsəlman ölkələri başçılarının yaxın vaxtlarda birgə iclasının keçiriləcəyini açıqlamışdı.

Fərhan Müstəqil Fələstin dövlətinin qurulması məqsədi ilə Ər-Riyadda keçirilən “İki Dövlətli Həll” koalisiyasının iclasında deyib: İsrailin Qəzzada fələstinlilərə qarşı soyqırımını pisləyirik və atəşkəs üçün lazımi tədbirlərin görülməsi üçün əlindən gələni edəcək.