Fələstin müqaviməti sionist yaşayış məntəqələrinə raket zərbəsi endirib

Xəbər mənbələri bazar ertəsi Fələstin müqavimət qüvvələrinin sionist yaşayış məntəqələrinə raket zərbələri endirdiyini bildirir.

İRNA-nın Əl-Məyadinə istinadən verdiyi xəbərə görə, İslami Cihadın hərbi qolu olan Sərayəl-Qüds qüvvələri Qəzzanın şimalından Aşkelon və Qəzzəyə bitişik sionist yaşayış məntəqələrinə raket zərbələri endirib.

Əl-Cəzirə telekanalı Aşkelonda raket hücumu ilə bağlı xəbərdarlıq sireninin səsləndiyini bildirib.

Bundan əvvəl HƏMAS-ın hərbi qolun olan Qəssam Briqadaları Qəzzənin şimalında yerləşən Cəbəliyyədə sionist əsgərlərə qarşı hücum zamanı onlardan 40 nəfərin öldüyünü və ya yaralandığını açıqlamışdı.

Fələstin müqavimət qrupları 7 oktyabr 2023-cü ildə Qəzzadan (Fələstinin cənubu) İsrail rejiminin mövqelərinə qarşı “Əqsa tufanı” adlı sürpriz əməliyyata başlayıb. 2023-cü il noyabrın 24-də İsrail və HƏMAS arasında dörd günlük müvəqqəti atəşkəs bağlanıb və HƏMAS ilə İsrail arasında əsir mübadiləsi baş tutub.

Müharibədəki bu fasilə yeddi gün davam etdi və nəhayət, 1 dekabr 2023-cü il, cümə günü səhər saatlarında müvəqqəti atəşkəs sona çatdı və İsrail rejimi Qəzzaya hücumlarını bərpa etdi.

Bu rejim “Əqsa tufanı” əməliyyatlarına cavab vermək və məğlubiyyətini kompensasiya etmək və müqavimət əməliyyatlarını dayandırmaq üçün Qəzza zolağının bütün keçidlərini bağlayıb və bu ərazini bombalayır.