Fələstin müqavimətinin Hizbullaha mesajı: Tezliklə Qüdsdə namaz qılacağıq
Fələstin müqavimət qüvvələri Livan Hizbullahının sionist rejimə qarşı hücumlarını təqdir etməklə yanaşı, bu müharibədə qalib gələcəklərini və Müqəddəs-Hərəmdə namaz qılacaqlarını vurğulayıblar.
Fələstin müqavimət qüvvələri mesaj dərc etməklə Livan Hizbullahının sionist rejimin mövqelərinə hücumlarını və Fələstin xalqına dəstəyini yüksək qiymətləndiriblər.
Hizbullah bir saat əvvəl sionist rejimin Şəba tarlalarında yerləşən qərargahının pilotsuz təyyarə ilə hədəfə alındığını elan edib. Bu hərəkat bu hücumlarda böyük miqdarda partlayıcı daşıyan iki pilotsuz təyyarənin “Zeydin” hərbi qərargahındakı hədəflərini yüksək dəqiqliklə vurduğunu açıqlayıb.
Bir neçə saat əvvəl Livanın cənubundan bu ölkənin sərhədlərindəki sionist yaşayış məntəqələrinə doğru raket və minaatan hücumlarından sonra bu yaşayış məntəqələrində həyəcan siqnalı çalınıb.
Sionist mediası bu hücumlar zamanı eyni vaxtda Livan sərhədlərindəki altı sionist hərbi qərargahının raket hücumlarına məruz qaldığını bildirib.
İsrail Ordusu Radiosu həmçinin bildirib ki, bir neçə dəqiqə ərzində Livanın cənubundan Əl-Cəlil sərhəd bölgəsinə doğru 20 minaatan və üç tank əleyhinə raket atılıb.
Fələstin müqavimət qüvvələrinin mesajında deyilir: Livan İslami müqavimətindəki mücahid qardaşlar. Siz Qüds yolunda cihadda və müqavimətdə ən yaxşı qardaşsınız. Biz sizə Fələstinin ürəyindən və bu məğlub düşmənlə müharibənin xarabalıqları arasından bir mesaj göndəririk.
Şahab xəbər agentliyinin məlumatına görə, Fələstin müqaviməti davam edib:
Qardaşlar… biz bu məğlub olan ordunu məhv etdik. Biz və dünya gördük ki, bu düşmən hörümçək yuvasından da zəifdir, çünki o, bizimlə üz-üzə gəlmək əvəzinə, ailələrimizin və mülki şəxslərin kütləvi şəkildə öldürülməsinə yönəlib.
Bu bəyanatda vurğulanıb: Bu gün biz qələbənin bizə məxsus olduğuna daha çox inanırıq. Bu dəqiqə mücahidlərimiz düşmən tankları və zirehli texnikası ilə məşğul olsalar da, düşmən əsgərləri mücahidlərimizdən qaçır.
Fələstin müqavimətinin cihad və Hizbullah şəhidlərinin qanının axıdılmasının şahidi olduğuna işarə edilərək, qeyd edilib: Biz düşmənin sizinlə döyüşmək qorxusunun şahidi oluruq. Biz və siz bu müharibədə qalib gələcəyik.
Bu bəyanatın sonunda vurğulanır: Şübhəsiz ki, bu müharibə bu qəddar rejimin məhvinin başlanğıcıdır. Uca Allahdan tezliklə Məscidül-Əqsada namaz qılmağımızı diləyirik.
