Fələstin nümayəndəsi: İsrail müharibəsi Qəzza sakinlərinin 80 faizini didərgin saldı
Fələstinin BMT-dəki nümayəndəsi Riyad Mənsur çərşənbə axşamı deyib: “İsrail müharibəsi Qəzza sakinlərinin 80 faizini didərgin salıb.”
İRNA-nın Misirin “Əl-yəvm əl-Sabe” qəzetinə istinadən verdiyi məlumata görə, Mənsur deyib: “Sionist rejim oktyabrın 7-dən bəri İordan çayının qərb sahilində uşaqlar və qadınlar da daxil olmaqla üç mindən çox fələstinli mülki şəxsi həbs edib.”
Onun sözlərinə görə, oktyabrın 23-dək Qəzza zolağında 6150 uşaq və 4000 qadın olmaqla 15 mindən çox fələstinli şəhid olub.
Mənsur qeyd edib ki, bu rəqəmlər faktiki qiymətləndirmələrdən xeyli aşağıdır, çünki bu rəqəmlərə hələ dağıntılar altında qalan cəsədlər daxil deyil.
