Fələstin rəsmisi: Almaniya İsraili dəstəkləməklə soyqırımı dəstəkləyir

Fələstinin İsveçrənin Cenevrə şəhərində beynəlxalq təşkilatlardakı nümayəndəsi Almaniyanın Beynəlxalq Ədalət Məhkəməsində sionist rejimə dəstəyinin təəccüblü olduğunu və Almaniyanın İsrailin soyqırımını dəstəklədiyini bildirib.

Fələstinin İsveçrənin Cenevrə şəhərindəki beynəlxalq təşkilatlardakı nümayəndəsi şənbə günü deyib ki, Almaniyanın Beynəlxalq Ədalət Məhkəməsi qarşısında İsraili dəstəkləməkdə tutduğu mövqe təəccüblüdür və görünür, Almaniya soyqırımı dəstəkləyir.

O, çıxışının davamında Amerikanın mövqeyini də xatırladıb və bildirib ki, Amerikanın mövqeyi qəribə bir şey deyil və İsrailin işğalına beynəlxalq dəstək verən elə Vaşinqtondur.

Fələstinin İsveçrənin Cenevrə şəhərindəki beynəlxalq təşkilatlardakı nümayəndəsi deyib: “Biz İsrailə silah göndərilməsinin dayandırılmasını və Netanyahunun kabineti ilə iqtisadi əlaqələrə yenidən baxılmasını tələb edirik.”

Qəzzanın Səhiyyə Nazirliyi bu gün (20 yanvar) Qəzzada gedən müharibənin 106-cı günündə şəhidlərin sayının 24 min 927-yə yüksəldiyini açıqlayıb.

Nazirlik onu da bildirib ki, indiyədək 62 388 nəfər yaralanıb. Son 24 saat ərzində işğalçı ordu tərəfindən dinc əhaliyə qarşı 14 cinayət törədilib, nəticədə 165 nəfər ölüb, 280 nəfər yaralanıb.

Əl-Məyadin şəbəkəsi İsrail ordusunun Qəzzanın şimalından cənubuna hava və artilleriya hücumlarının davam etdiyi barədə məlumat verib.

Qəzza şəhərindəki Əl-Nusirat düşərgəsi hələ də intensiv hücumlar altındadır və İsrail qırıcıları bir neçə yaşayış evini bombalayıb, çoxlu sayda insan həlak olub və ya yaralanıb.

Fələstin mənbələri Qəzzanın şimalındakı Cəbəliyyə düşərgəsində intensiv toqquşmaların olduğunu bildirir.