Fələstinli şəhidlərin sayı artıb

Qəzzanın Səhiyyə Nazirliyi İsrail ordusunun son 24 saat ərzində 10 kütləvi qətl törətdiyini və bunun nəticəsində fələstinli şəhidlərin sayının 31 min 923-ə yüksəldiyini açıqlayıb.

Qəzzanın Səhiyyə Nazirliyi, bu gün (çərşənbə günü) günorta saatlarında verdiyi açıqlamada fələstinli şəhidlərin sayının artdığını açıqlayıb.

Nazirliyin bu gün yaydığı açıqlamada İsrail ordusunun Qəzza zolağında son 24 saat ərzində 10 kütləvi qətl törətdiyi, nəticədə 104 fələstinlinin şəhid olduğu, 162 nəfərin isə yaralandığı bildirilir.

Bu açıqlamaya görə, fələstinli şəhidlərin ümumi sayı 31 min 923-ə, yaralıların sayı isə 74 min 96-ya yüksəlib.

Fələstin mənbələrinin məlumatına görə, dağıntılar altında hələ də çoxlu sayda şəhid var və İsrail hərbçiləri onların yardım qüvvələrinə təhvil verilməsinə icazə vermir.

Qəzza fövqəladə hallar agentliyinin sözçüsü bu yaxınlarda Washington Post-a bildirib ki, təşkilat dağıntılar altında təxminən 8 min fələstinlinin olduğunu təxmin edir.

İsrail ordusunun bu əraziyə hücumları nəticəsində Qəzza zolağında bir çox obyekt, o cümlədən tibb müəssisələri, təhsil müəssisələri, ibadət yerləri dağıdılıb.

Qəzza xalqı İsrail qüvvələrinin mühasirəsindədir və dərman və qidaya ciddi ehtiyac duyur.

İsrail hərbçiləri içərisində humanitar yardım olan yük maşınlarının çətinliklə Qəzzaya daxil olmasına icazə verir və bu yük maşınları ciddi yoxlamalardan sonra Qəzzaya daxil olur.