Fars körfəzi ölkələri BƏƏ-də hərbi təlimlər keçirəcəklər
Körfəz Əməkdaşlıq Şurasına (KƏŞ) üzv ölkələr Birləşmiş Ərəb Əmirliklərində birgə hərbi təlimlər keçirmək niyyətindədirlər.
Bu barədə təşkilatın baş katibi Casim Məhəmməd əl-Budayvi bildirib.
Onun sözlərinə görə, 2024-cü ildə Körfəz Əməkdaşlıq Şurası ölkələri müvafiq komitələrin iclaslarını keçirməklə hərbi əməkdaşlığı gücləndirib, həmçinin bir sıra birgə hərbi təlimlər üzərində işləyiblər:
“Bu baxımdan 2026-cı ildə Birləşmiş Ərəb Əmirliklərində keçiriləcək “Ada Qalxanı” adlı birgə təlimin keçirilməsinə dair öhdəliyimizi elan etməkdən məmnunam”.
