Fransanın Bakıdakı səfirliyinin iki əməkdaşı “persona-non-grata” elan olunub
![Fransanın Bakıdakı səfirliyinin iki əməkdaşı “persona-non-grata” elan olunub](https://sizinyol.org/wp-content/uploads/2023/12/170825021.jpg)
Dekabrın 26-da Fransanın Azərbaycandakı səfiri Ann Buayon Xarici İşlər Nazirliyinə (XİN) çağırılıb.
Nazirliyin Mətbuat xidməti idarəsindən AZƏRTAC-a bildirilib ki, Fransa səfirliyinin iki əməkdaşının diplomatik statuslarına uyğun olmayan və “Diplomatik əlaqələr haqqında” 1961-ci il Vyana Konvensiyası ilə ziddiyyət təşkil edən fəaliyyətinə görə Azərbaycan hökuməti tərəfindən “persona-non-grata” (arzuolunmaz şəxs) elan olunduğu Fransa səfirinin diqqətinə çatdırılıb, həmin şəxslərin 48 saat ərzində Azərbaycan ərazisini tərk etməsi tələb edilib və XİN-in müvafiq notası Fransa səfirinə təqdim edilib.