Gənc yelləncəkdən yıxılıb öldü

Fransanın cənubundakı Aqd kommunasındakı əyləncə parkında attraksionlardan birində baş verən qəza nəticəsində bir nəfər ölüb, bir nəfər isə yaralanıb.

Publika.az xəbər verir ki, hadisə 60 metr hündürlükdən yıxılmağı imitasiya edən attraksionda baş verib.

Bildirilir ki, ölən 17 yaşlı gəncdir. 19 yaşlı qız isə yelləncəkdən yıxılaraq çoxsaylı xəsarətlərlə xəstəxanaya yerləşdirilib.

Polis parkın direktoru da daxil olmaqla dörd nəfəri saxlayıb.

Faciənin mümkün səbəbi attraksionun qaydalar pozularaq güclü külək şəraitində işləməsidir.

Publika.az