HƏMAS: Müqavimət Qəzzada Amerika və İsrail orduları ilə müharibə aparır

HƏMAS hərəkatının rəhbərlərindən biri bildirib ki, Qəzzada müqavimət qüvvələri təkcə İsrail ordusu ilə deyil, həm də ABŞ ilə müharibə aparır.

HƏMAS hərəkatının liderlərindən Qazi Həməd bildirib ki, işğalçılar Qəzza xalqını köçürmək üçün səylərini bəyan ediblər və terror yaratmaqla onları buna məcbur etməyə çalışırlar.

O, “Əl-Cəzirə Mübaşir” xəbər kanalına müsahibəsində əlavə edib: Biz əminik ki, işğalçılar Qəzzə xalqını köçürməkdə uğursuzluğa düçar olacaqlar və Qəzzə sionist əsgərlər üçün qəbiristanlığa çevriləcək.

Bu HƏMAS rəsmisi deyib: “Bizim müqavimətli qüvvələrimiz təkcə İsrail ordusu ilə deyil, həm də ABŞ ilə döyüşür.”

Qazi Həməd əlavə edib: Bizim Amerika hökumətinə heç bir etimadımız yoxdur və Qəzzada vəziyyəti dəyişdirmək üçün bütün planları məğlub etməyə qadirik.

Müqavimət işğalçıların zəifliyini üzə çıxarmaqla tarixin simasını dəyişdi və Fələstin məsələsini yenidən gündəmə gətirdi.

Digər tərəfdən, HƏMAS-ın Qəzzadakı informasiya ofisi sionist rejimin Qəzzəyə hücumları zamanı 5 min 840-nın uşaq, 3 min 920-nin qadın olmaqla 14 min 128 nəfərin şəhid olduğunu bildirib.

Bu qurumun bəyanatında deyilir ki, sionist rejim Qəzzə sakinlərinə qarşı 1354 qətliam törədib, nəticədə 6800-dən çox insan itkin düşüb.

Şahab xəbər agentliyi bu açıqlamaya istinad edərək, bu hücumlarda 33 min insanın yaralandığını, onların 75%-dən çoxunun qadın və uşaq olduğunu bildirib.

Bu Fələstin təşkilatının məlumatına görə, Qəzza zolağında yaşayış məntəqələrinin 60%-i sionistlərin hücumları nəticəsində ya tamamilə dağılıb, ya da yaşayış üçün yararsız hala düşüb.