HƏMAS və İslami Cihad liderlərinin Seyid Həsən Nəsrullahla görüşü

HƏMAS-ın Siyasi Bürosunun sədr müavini və Fələstin İslami Cihad Hərəkatının baş katibi Hizbullahın baş katibi ilə görüşüb və işğal olunmuş Fələstində baş verən son hadisələri müzakirə ediblər.

Fələstin İslami Cihad Hərəkatının baş katibi Ziyad Ən-Nəxalə və Fələstin İslami Müqavimət Hərəkatının (HƏMAS) Siyasi İdarəsinin sədr müavini Saleh Əl-Əruri Livan Hizbullahının baş katibi Seyid Həsən Nəsrullah ilə görüşüb.

Livan şöbəsinin “Əl-Əlamul-Hərbiyy” saytının bugünkü (şənbə) xəbərinə görə, bu görüşdə üç tərəf son siyasi hadisələri, xüsusilə Fələstindəki hadisələri və İordan çayının qərb sahilindəki vəziyyəti müzakirə edib və bu bölgədə müqavimət tədbirlərinin gücləndirilməsi, eləcə də sionist rejimin son təhdidlərini qiymətləndiriblər.

Bu xəbərə əsasən, müqavimət başçıları vurğulayıblar ki, müqavimət oxunun bütün üzvlərinin sionist düşmənlə mübarizə ilə bağlı mövqeyi sabitdir.

Xüsusilə, Fələstin və Livandakı müqavimət hərəkatlarının gündəlik və daimi koordinasiyası və əlaqəsi siyasi, təhlükəsizlik və hərbi inkişafları izləmək və müvafiq qərarlar qəbul etmək üçün vacibdir.

Bu görüş Hizbullahın baş katibi və İran İslam Respublikasının Xarici İşlər Naziri Hüseyn Əmir Abdullahiyanın bir-birləri ilə görüşüb müzakirələr apardıqdan sonra baş tutub.

Bu görüşdə Fələstindəki son vəziyyət və işğal olunmuş ərazilər daxilində çox səviyyəli təhlükəsizlik və sosial böhranlar müzakirə edilib və Seyid Həsən Nəsrullah bununla bağlı deyib:

Bu gün Livan və Fələstinin müqaviməti ən güclü mövqedədir və sionistlər səhv hesablama əsasında hərəkət etsələr, müqavimətin peşmanedici reaksiyası ilə qarşılaşacaqlar.”