İnqilabın Rəhbəri: Rəhbərlik Ekspertlər Məclisi İslam demokratiyasının təzahürüdür

İnqilabın Rəhbəri: Rəhbərlik Ekspertlər Məclisi İslam demokratiyasının təzahürüdür

İnqilabın Ali Rəhbəri Ayətullah Xamenei Rəhbərlik Ekspertlərinin Məclisini 6-cı çağırışını İslam demokratiyasının təzahürü adlandırıb və dinə zidd və ya sekular sistemlərin acı həqiqətlərinə diqqət yetirərək, bütün dünyanın oyanmış vicdanlarını hərtərəfli, sabit və həlledici, cəlbedici və heyrətləndirici İslami idarəçilik planı haqqında düşüncəyə dəvət edib.

İnqilab liderinin mesajının mətni belədir:

Bağışlayan və Mehriban Allahın adı ilə!

Həmd olsun aləmlərin Rəbbi olan Allaha, qiyamət gününə qədər salavat və salam olsun seyidimiz Muhəmməd əl-Mustəfaya, onun ailəsinə və nəcib səhabələrinə və onlara yaxşılıqla tabe olanlara.

Rəhbərlik Ekspertlərləri Məclisinin altıncı çağırışının formalaşmasını böyük İran xalqına nəsib edən izzətli və hikmətli Allaha şükürlər olsun. Bu Məclis millətin qüdrəti ilə müəyyən zaman fasilələrilə möhkəmlənən, nizamın sağlamlığına və davamlılığına zəmanət verən demokratik İslam quruluşunun əsas təməllərindən biridir.

Bu məclisin hörmətli və seçilmiş üzvləri Allahın izni və xalqın səyi ilə nizamın rəhbərliyinin polad zəncirinin möhkəmlənməsində ən yaxşı vəzifələrdən birini öz öhdələrinə götürmək fürsəti tapıblar və yaxşı olar ki, onlar bu nemətə görə Allaha şükr etsinlər və insanlara minnətdar olsunlar.

Rəhbərlik Ekspertlər Məclisi İslam demokratiyasının təcəssümüdür. Rəhbərin İslam meyarlarına uyğun seçilməsinin özü, xalq tərəfindən seçilən bu məclisin üzərinə düşür. Meyarlar İslamidir və seçim xalq tərəfindəndir. Bu, İran İslam Respublikasının ən bariz əlaməti və göstəricisidir.

İslam nizamında idarəçilik insan tərəfindəndir və məqsədlər ilahidir.

Məqsədlər insanın ədaləti və ləyaqəti, yerin abadlaşması və zamanın bərəkəti, nəhayət, tövhid həyatı və insanın Allaha yaxınlıq dərəcəsinə yüksəlməsidir; Metodlar isə kollektiv ağıl və təcrübədən yararlanaraq, insanların düşüncələrindən, dillərindən, səmərəli imkanlarından və sabit addımlarından istifadə etməkdir.

Bu, Quran və İslam biliklərinin öz ardıcıllarına bəxş etdiyi ağıllı bir tədbirdir və onda şəriət və rasionallıq, qeyb və şühud bir-birinə qarışmış və uyğunlaşdırılmışdır.

Bu, böyük siyasət müstəvisində heyrətləndirici və cəlbedici bir hadisədir və anti-din və ya aqnostik sistemlərin acı reallıqları üzərində düşünmək onun cəlbediciliyini günü-gündən artıracaq.

Bütün dünyada oyanmış vicdanlara ictimai dəvətimiz ədalət və ya azadlıq iddiasında olan, lakin dini mənəviyyata yad olan sistemlərin uğursuz təcrübəsinə nəzər salmaqdır; zülm, ayrı-seçkilik və fəsadın artması; və mənəvi asayişin məhv edilməsi, ailə təməlinin zəiflədilməsi və qadının ləyaqətinin, ailə xanımı və ana statusunun alçaldılması; mediada dürüst məlumat üzərində qərəzli oriyentasiyanın üstünlük təşkil etməsi; Və bu ikiüzlü, riyakar və zülmkar sistemlərin təsir dairəsində bir çox başqa kor nöqtələri görsünlər.

Sonra İslami idarəçiliyin hərtərəfli, sabit və həlledici planı üzərində düşünməlidirlər.

Bu gün Qəzzada baş verən fəlakət və qəsbkar sionist rejimin vəhşicəsinə soyqırımı və minlərlə müdafiəsiz və silahsız kişi, qadın və uşağın öldürülməsi, sonra isə, Qərbin, sözdə liberal hökumətlərinin bu qaniçən canavara dəstək və himayəsi, oyanmış vicdanlara Qərbdəki azadlıq və insan hüquqlarının mənasını aydınlaşdırır.

Bu gün İran İslam Respublikasının rəsmiləri və ona ürəkdən bağlı olan bütün şəxslər üçün bu böyük hadisənin həqiqətini danışıq və əməldə bütün dünyadakı həqiqət axtaranlara göstərmək üçün yeni fürsətdir.

Bir daha Uca Allahdan bu möhtərəm məclisə müvəffəqiyyət verməsini diləyirəm.

Mən bu məclisin üzvləri olan mərhum və möhtərəm prezidentin, həmçinin Təbrizin cümə imamının xatirəsini ehtiramla yad etməyi və Rəhim Allahdan onların ucalıqlarını istəməyi zəruri hesab edirəm.

Allahın salam və rəhməti üzərinizə olsun!

Seyid Əli Xamenei

20.05.2024 (h.ş. 31/02/1403)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

17 + seventeen =