İordan çayının qərb sahilinin şimalında atışma nəticəsində 2 sionist yaralanıb

Sionist mənbələr İordan çayının qərb sahilinin şimalında baş verən atışma nəticəsində ən azı 2 nəfərin ağır yaralandığını bildirib.

Bu gün günorta (şənbə günü) sionist mediası Havarə bölgəsində (İordan çayının qərb sahilinin şimalında) atışma və ən azı 2 sionistin yaralanması barədə məlumat yayıb.

Sionist mənbələr bu iki nəfərin xəsarətlərini çox ağır adlandırıb və atışmadan bir neçə dəqiqə sonra hadisə yerinə təcili yardım maşınlarının göndərildiyini bildiriblər.

 “Səma” saytının xəbərinə görə, sionist ordunun sözçüsü sözügedən hər iki şəxsin xəsarət aldığını təsdiqləyib və bildirib ki, bu əməliyyatın təfərrüatları araşdırılır.

Eyni zamanda İsrail ordusu əməliyyatı törədənlərin sionist mühacirlərə atəş açdıqdan sonra məkanı tərk etdiyini açıqlayıb.