İordaniya parlament nümayəndələri Tel-Əvivin səfirinin ölkədən çıxarılmasını tələb ediblər

İordaniya parlamentinin 59 üzvü İsrail ordusunun fələstinli qadınları təhqir etməsini pisləyib və bu rejimin səfirinin ölkədən çıxarılmasının vacibliyini vurğulayıb.

 Cümə axşamı İordaniya parlamentinin 59 üzvü fələstinli qadınların təhqirini pisləyərək, sionist rejimin Omandakı səfirinin ölkədən çıxarılmasını tələb ediblər.

Sionist “Haaretz” qəzeti bazar ertəsi (4 sentyabr) yazıb ki, İsrail hərbçiləri Hebrona hücum zamanı beş fələstinli qadını axtarış aparmaq üçün evlərində lüt soyunmağa məcbur ediblər.

Bu nümayəndələr vurğulayıblar ki, İordaniya hökuməti sionistlərin bu təhqiramiz hərəkətinin pislənməsinə uyğun reaksiya verməlidir. Buna görə də İordaniya “terror və zorakılığın paytaxtı Tel-Əviv”dən öz səfirini çağırmalı və bütün lazımi tədbirləri görməlidir.

Həmin nümayəndələr dünya parlamentlərindən də bu hərəkəti və sionist rejimi və onun bəşəriyyətə qarşı cinayətləri və beynəlxalq qanun və müqavilələri pozmasını pisləməsi üçün əməli addımlar atmağa çağırıblar.

Bu siyasətçilər vurğulayıblar ki, bu cinayət sionist ordusu və kabinetinin sionistlərin cinayətləri ilə bağlı BMT və xarici parlamentlər və insan haqları qurumları da daxil olmaqla beynəlxalq sükutunun nəticəsi olan mənəvi degenerasiya səviyyəsini göstərir.