İran ilk dəfə Avrasiyanın 170 milyon nəfərlik bazarına daxil olub

İran ilk dəfə Avrasiyanın 170 milyon nəfərlik bazarına daxil olub

Sənaye, Mədən və Ticarət naziri İran-Avrasiya Azad Ticarət Sazişinə toxunaraq deyib: “İlk dəfə olaraq 13-cü hökumətdə 170 milyon əhalisi olan beş böyük ölkə ilə azad ticarət əlaqələri qura bilmişik.”

Abbas Əliabadi cümə günü iqtisadi sahə üzrə müxbirə verdiyi eksklüziv müsahibəsində İran və Avrasiya İttifaqı arasında ilk azad ticarət sazişinin bəhrələri haqqında deyib: “Avrasiya İqtisadi İttifaqına üzv olan beş ölkə ölkəmizin müxtəlif sahələrdə, o cümlədən sənaye və iqtisadi sahədə imkanlarına ehtiyac duyur.”

O, əlavə edib: “İndi biz bu ölkələrin bazarından qarğıdalı, buğda kimi kənd təsərrüfatı məhsulları idxal edirik. Bu müqavilənin imzalanması ilə ölkəmizlə bu ittifaqa üzv olan digər ölkələr arasında daha geniş əlaqələr və azad ticarət baş tutacaq.”

Əliabadi qeyd edib ki, bu saziş bütün iqtisadi fəallara, xüsusən də treyderlərə və istehsalçılara ittifaqa üzv ölkələrin böyük bazarlarına nüfuz etmək üçün yaxşı imkan və məkan yaratdı və onlar bundan daha çox  faydalanmalıdırlar.

Sənaye, Mədən və Ticarət naziri bu razılaşmanın müxtəlif aspektlərdə əhəmiyyətli olacağını bəyan edərək deyib: “İndi sanksiyalar altında olduğumuz bir vaxtda bu, ölkəmizin dünya arenasında təmsil olunması üçün yaxşı fürsətdir.”

“Sənaye, Mədən və Ticarət Nazirliyində tezliklə bu sazişin müxtəlif aspektlərinin nəzərdən keçirilməsi ilə bağlı iclas keçirəcəyik. İclasda bu müqavilənin tərəflərini və faydalarını müzakirə edəcəyik” – deyə, o, vurğulayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

eleven − nine =