İraq müqaviməti Amerika pilotsuz təyyarəsinin vurulmasına görə məsuliyyəti öz üzərinə götürüb

İraq müqaviməti Amerika pilotsuz təyyarəsinin vurulmasına görə məsuliyyəti öz üzərinə götürüb

İraqın şərqində Amerika pilotsuz təyyarəsinin vurulması ilə bağlı İraq mediasının xəbərindən sonra İraq İslami Müqaviməti bu əməliyyatın məsuliyyətini öz üzərinə götürüb.

İraq İslami Müqaviməti bu gün axşam saatlarında (Cümə günü) bəyanat yayaraq, Diyala vilayətində (Şərqi İraq) Amerikaya məxsus pilotsuz təyyarəni vurduğunu açıqlayıb.

Dünən gecə İraq mediası İraqın hava məkanına daxil olan Amerika casus pilotsuz təyyarəsinin Diyala əyalətində qəzaya uğradığını bildirib.

İraq İslami Müqaviməti bu əməliyyatın məsuliyyətini üzərinə götürərkən Diyala vilayətinin səmasında Amerikaya məxsus MQ9 pilotsuz təyyarəsini uyğun silahla hədəfə aldığını açıqlayıb.

Bu açıqlamaya görə, bu pilotsuz təyyarə Küveytdəki “Əli Əs-Salim” bazasından havaya qalxıb. İraq İslami Müqaviməti daha sonra düşmənə qarşı hücumlarını davam etdirəcəyini vurğulayıb.

İraqın İslami müqaviməti Fələstin xalqına dəstək olaraq indiyədək Suriyanın şərqində və İraqın qərbində və şimalında ABŞ bazalarına onlarla dəfə hücum edib.

İraq müqaviməti ABŞ-ı İsrail rejiminin Qəzza zolağına hücumlarının əsas məsuliyyətlisi hesab edir və Qəzzaya hücumlar davam etdikcə Amerika bazalarını hədəf alacağını vurğulayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

8 + seven =