İsrail fələstinlilərin orqanlarını oğurlamağa davam edir

İsrail fələstinlilərin orqanlarını oğurlamağa davam edir

Xəbərlər və sübutlar Qəzza zolağının bombalanması zamanı həlak olan fələstinlilərin bədən hissələrinin oğurlandığını göstərir.

Əvvəllər fələstinlilərin cəsədlərinin israillilər tərəfindən icazəsiz istifadəsi ilə bağlı çoxlu xəbərlər dərc olunmuşdu.

İRNA-nın Euro News-a istinadən verdiyi xəbərə görə, Qəzza zolağında insan haqlarının monitorinqi üzrə qeyri-hökumət təşkilatı Euro-Med bu günlərdə İsrail əsgərlərinin Qəzza bombardmanlarında həlak olan fələstinlilərin bədən hissələrini oğurladığını göstərən hesabat dərc edib.

Qəzzadakı həkimlər dəfələrlə Fələstinlilərin cəsədlərində orqanlarının oğurlandığını göstərən yaraların olduğunu bildiriblər. Bu təşkilat bu prosesin davam etməsindən narahatlığını açıqlayıb.

QHT İsrail qüvvələrinin Qəzzanın şimalındakı Əş-Şəfa və İndoneziya xəstəxanalarından onlarla cəsədin oğurladığını və orqanlarının çıxarıldığını iddia edib.

Onlar həmçinin, İsrailin Əl-Şəfa xəstəxanasının həyətində 10 gün əvvəl qazılmış kütləvi məzarlıqdan cəsədləri çıxararaq oğurladığını iddia ediblər.

Həkimlər deyirlər ki, sionistlərin Qəzza zolağına şiddətli hücumları və bombardmanları bütün cəsədlərin müayinəsini qeyri-mümkün edib, lakin dəlillər bir çox cəsədlərin bir və ya bir neçə orqanının əskik olduğunu göstərir.

Qəzzadakı Fələstin səhiyyə rəsmiləri artıq ölüləri saya bilməyəcəklərini deyirlər.

Son illərdə İsrailin fələstinlilərin cəsədlərindən qeyri-qanuni istifadə etməsi ilə bağlı çoxsaylı xəbərlər dərc olunub.

İsrailli həkim Mira Vays öz kitabında 1996-2002-ci illərdə İsrail universitetlərində fələstinlilərin orqanlarının tibbi araşdırmalarda istifadə edildiyini və hətta bu orqanların bir çoxunun yəhudi xəstələrin bədəninə köçürüldüyünü açıq şəkildə etiraf edib.

İsrail Dəri Bankının direktoru bildirib ki, bu bankda insan dərisi ehtiyatı 17 kvadratmetrə çatıb ki, bu da işğal olunmuş yaşayış məntəqələrinin sakinlərindən çoxdur.

2008-ci ildə Amerikanın CNN kanalı bir reportaj yayımlamış və bu reportaj zamanı İsrailin insan orqanlarının qeyri-qanuni ticarəti üzrə dünyanın ən böyük mərkəzi olduğu açıqlanmışdı.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

15 − 14 =