İsrail ordusunun “Əl-Bəyaz” və “Əl-Malikiyyə” hərbi mövqeyi hədəfə alınıb

Əl-Cəzirə kanalı işğal altındakı Fələstinin şimalında və Livanın cənub sərhədi yaxınlığında sionist rejim ordusunun Əl-Bəyaz və Əl- Malikiyyə adlı iki hərbi mövqeyinin hədəfdə olduğunu bildirib.

İRNA-nın bazar günü Əl-Cəzirə telekanalına istinadla verdiyi xəbərə görə, İsrail ordusu Livanın cənub sərhədində yerləşən Bəlida şəhərini atəşə tutub.

Bu səhər sionist ordu Livanın cənub sərhəd rayonlarını atəşə tutub.

Eyni zamanda, sionist rejimin 13-cü kanalı işğal altındakı Kəfr Şuba təpələrində bir qrup Hizbullah döyüşçüsü ilə sionist rejim ordusu arasında atışma olduğunu bildirib.

Bu xəbərə əsasən, sionist rejim Livanın cənub sərhəd bölgəsində Ulamə Əş-Şəəb, Əl-Cəbin və Təyir Hərfa kəndlərini fosforlu güllələrlə atəşə tutub.

Eyni zamanda, ərəbdilli media sionist rejimin “Əl-Biad” hərbi mövqeyinin telekommunikasiya və müşahidə avadanlığına idarə olunan raketlə hücum edildiyini xəbər verib.

Sionist ordunun sözçüsü həmçinin, bildirib ki, Livanla sərhəddəki Cəbəl Douf bölgəsində bu rejimə məxsus tank zireh əleyhinə idarə olunan raketlə hədəfə alınıb.

Bu arada Livan Hizbullahı üç Livan İslami Müqavimət döyüşçüsünün cihad missiyasında şəhid olduğunu elan edib.