İsrail polisi 3-ü gənc qız olmaqla 4 fələsitnlini döyüb və sonra həbs edib

İsrail polisi Fələstinin işğal olunmuş ərazilərində 3-ü gənc qız olmaqla 4 fələsitnlini döyüb və sonra həbs edib.

Maide.Az “Anadolu” agentliyinə istinadla xəbər verir ki, şahidlərin verdiyi məlumata görə, işğalçı İsrail polisi, əl-Amud qapısı yaxınlığında fələstinli gəncləri döyərək həbs edib.

Həmin gənclərin Qüdsün şimal-şərqindəki El-İseviyye qəsəbəsinin sakinlərindən olduğu bildirilir.

Işğalçı rejim polisi gəncləri nəyə görə həbs etməsinə dair heç bir açıqlama verilməyib.

Qeyd edək ki, işğal altındakı İordan çayının qərb sahili və Şərqi Qüdsdə tez-tez evlərə basqın edən İsrail qüvvələri müxtəlif iddialarla fələstinliləri nəzarətə götürür. İsrail rejimi həbsxanalarında 300-ü uşaq olmaqla, təxminən 7 min fələstinli var və bu say durmadan artır.