İsrail səfiri müharibənin uzun sürəcəyini bildirib

İsrail səfiri müharibənin uzun sürəcəyini bildirib

“Qan vermək üçün gözləyən yüzlərlə israilli var. Yüzlərlə israilli ehtiyac anlarında Cənubda yaşayan xalqına kömək etmək üçün könüllü olaraq çalışır”.

Bu barədə İsrailin Azərbaycandakı səfiri Corc Dik son hadisələrlə bağlı mətbuata açıqlamasında bildirib.

O diqqətə çatdırıb ki, orduya qoşulmaq və ədalət uğrunda döyüşmək üçün dünyanın hər yerindən geri uçan insanlar var: “Biz öz ailəsini, torpağını qoruyacaq şir millətiyik. Biz qərarlıyıq. Biz birik. Və biz qalib gələcəyik”.

Beynəlxalq ictimaiyyətə müraciət edən diplomat qeyd edib ki, bu, yaxşı ilə şərin, doğru ilə batilin savaşıdır: “Doğru tərəfdə olduğunuzdan əmin olun və İsrailin özünü müdafiə etmək hüququnu bütün lazımi vasitələrlə dəstəkləyin. Bu müharibə uzun sürəcək, çətin olacaq – amma biz nə etməli olduğumuzu edəcəyik və sülhü geri qazanacağıq”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

2 × four =