İsrail səfiri: Ukrayna müharibəsində Putin İsrail silahları ilə məhv ediləcək
İsrailin Bolqarıstandakı səfiri deyib: Putin Ukrayna müharibəsində məhv olacaq.
Bosniyanın Klix xəbər saytının məlumatına görə, İsrailin Bolqarıstandakı səfiri Yossi Levy Safari İsrailin “Dəmir günbəz” müdafiə və raket gücünün Ukrayna və Avropanı müdafiə etdiyini və İsrail silahlarının Avropa bazarında getdikcə populyarlaşdığını bildirib.
Rusiyanın Ukraynaya təcavüzünün başlanğıcında İsrail az-çox neytral mövqe tutsa da, son bir neçə ayda getdikcə Avropanın və Ukraynanın ən böyük dəstəkçisi və müdafiəçisinə çevrilir.
İsrail rəsmiləri Rusiyaya qarşı İsrailin Ukraynaya verdiyi dəstəyin keyfiyyəti barədə keçmişə nisbətən daha açıq danışırlar.
Bu baxımdan İsrailin Bolqarıstandakı səfiri Yossi Levy Safari bütün Avropada müdafiə sisteminin təşkilində İsrailin mümkün qədər necə iştirak edə biləcəyi ilə bağlı mühüm açıqlamalar verib.
Səfir deyib: Bu gün İsrail Avropanın ən böyük iqtisadi, kiber və hərbi gücüdür və dünyada baş verən hadisələr İsrail üçün gündən-günə daha yaxşı mövqe yaradır.
İsrailin Bolqarıstandakı səfiri Yossi Levi Safari vurğulayıb:
Rusiyanın Kiyevə hücumlarının 60%-i “Dəmir günbəz” sisteminin yerləşdirilməsi səbəbindən uğursuz alınıb. Ukraynanın müdafiə qüdrətinin gücləndirilməsi bütün Avropanın müdafiə qüdrətinin güclənməsi ilə müşayiət olunur və bu, xüsusilə İsrailin raket sisteminin Almaniyaya çatdırılmasını əhatə edən 3,5 milyard dollarlıq tarixi müqavilədən aydın görünür.
Safari deyib:
Qərbi və Şərqi Avropa ölkələri İsrailin silahlarını, raketlərini və müdafiə sistemlərini almaq istəyir. Tələb o qədər yüksəkdir ki, İsrailin bütün raket ehtiyatlarını satmaq üçün ciddi müştərimiz var. İsrailin Bolqarıstandakı səfiri Vladimir Putinin ən böyük səhvinə işarə edərək deyib: “Biz Ukraynadakı müharibədə birbaşa iştirak etmirik, lakin Avropa Rusiya ilə qarşı-qarşıya gəlmək üçün İsrail silahlarından asılıdır və biz avropalıların ehtiyaclarını ödəyəcəyik. Putinin ən böyük səhvlərindən biri bu idi ki, Ukrayna müharibəsi ilə eyni vaxtda Moskva da Rusiya və Şərqi Avropa yəhudilərinə qarşı dolayı müharibəyə başladı.Yəhudilərin strateji səbri tükəndi və bu gün İsrailin silahları Avropa ölkələrinin əlindədir və bu silahlar son nəticədə Putinin məhvinə gətirib çıxaracaq.”
