KİV: Ərəb ölkələri HAMAS-İsrail müharibəsi ilə bağlı həll planı təklif edəcək
Ərəb ölkələri atəşkəs, girovların azad edilməsi, Səudiyyə Ərəbistanı ilə İsrail arasında normallaşma planı təklif edəcək.
Bu barədə “Financial Times” yazıb.
Nəşrin xəbərinə görə, Ərəb ölkələri bir neçə həftə ərzində Qəzzada atəşkəs və HAMAS-ın saxladığı israilli girovların azad edilməsi, Səudiyyə Ərəbistanı və digər dövlətlərlə İsrailin münasibətləri normallaşdırmanı ehtiva edən plan təqdim etməyi planlaşdırır.
Xəbərə görə, ABŞ və Avropa ölkələri də Fələstin dövlətini rəsmən tanımaq və ya onun BMT-yə tam üzvlüyünü dəstəkləmək barədə razılaşacaqlar.
