Livan Hizbullahı İsrailin pilotsuz təyyarəsini ələ keçirib

Media mənbələri bu axşam (çərşənbə axşamı) və Livan Hizbullahının baş katibi Seyid Həsən Nəsrullahın çıxışı ilə eyni zamanda ölkənin İslami müqavimət qüvvələrinin sionist rejimin bir neçə bazasına hücumları və bu rejimin pilotsuz təyyarəsinin Livan müqaviməti döyüşçülərinin əlinə keçməsi barədə məlumat veriblər.

İRNA-nın Əl-Məyadinə istinadən çərşənbə axşamı günü verdiyi məlumata görə, Livan Hizbullahı son əməliyyatında İsrail əsgərlərinin Mitat kazarmasındakı mövqelərini bir neçə raketlə hədəfə alıb və nəticədə onlar həlak olub və yaralanıb.

Livan Müqavimət Mücahidləri də sionist ordusunun “SkyLark” pilotsuz təyyarəsini ələ keçirə bilib.

Son günlərdə Livan Hizbullahı “Skylark” pilotsuz təyyarəsini sionistlərin nəzarətindən çıxararaq, ələ keçirmişdi.

Livan müqaviməti başqa bir bəyanatda da elan edib: “Əl Məric” bazasında düşmən əsgərlərinin toplaşdığı yeri raketlərlə vurduq.

İRNA-nın məlumatına görə, Livan Hizbullahı Fələstin müqavimət qruplarının “Əqsa tufanı” əməliyyatının başlaması ilə işğal olunmuş ərazilərin şimalında sionist hərbçilərin böyük bir hissəsini durdurmaq və müqavimət qüvvələrinə təzyiqləri azaltmaq məqsədilə Qəzzada sionist rejimin hədəflərinə qarşı gündəlik və ağır əməliyyatlar həyata keçirib.

Hizbullahın əməliyyatları Əl-Əqsa tufanı əməliyyatının başlamasından və eyni zamanda sionist rejimin Qəzza zolağına təcavüzündən cəmi bir gün sonra başlayıb.

Sionist rejimin mediası da dəfələrlə etiraf edib ki, Hizbullah hələ də işğal olunmuş Fələstin torpaqlarının şimalında üstünlüyə malikdir və İsrail ordusu bu bölgədə tələyə düşüb.