Livandan işğal olunmuş ərazilərə 4 raket atılıb
Xəbər mənbələri Livan tərəfdən işğal olunmuş ərazilərə doğru raket hücumu təşkil etdiyini və bu ərazilərə pilotsuz təyyarənin sızma ehtimalının olduğunu bildirib.
Mehr xəbər agentliyinin Əl-Cəzirə-yə istinadən verdiyi məlumata görə, Livan tərəfdən işğal olunmuş ərazilərin şimal bölgələrinə doğru 4 raket atılıb.
İbrani mənbələr bu raketlərin buraxılmasından sonra işğal olunmuş ərazilərin şimalında yerləşən Əl-Cəlil bölgəsinin sionist yaşayış məntəqələrində xəbərdarlıq sirenalarının səsləndiyini açıqlayıblar.
Digər tərəfdən, sionist mediası işğal olunmuş ərazilərin şimalına bir pilotsuz təyyarənin sızma ehtimalı səbəbindən Avivim və Bəramda həyəcan siqnalı verildiyini elan edib.
“Qüds əl-Əxbariyyə” həmçinin xəbər verib ki, sionist rejim qırıcıları Livanın cənub kəndlərini bombalayıblar.
Bir müddət əvvəl ibrani dilli mənbələr Livan Hizbullahının idarə olunan raketinin “Duvio” hərbi mövqeyini vurması nəticəsində iki sionist əsgərin yaralandığını etiraf ediblər.
Əl-Mənar müxbiri həmçinin bildirib ki, Duvio qəsəbəsində bir sionist hərbi hədəf raketlə hədəfə alınıb.
Eyni zamanda sionist rejimin artilleriyası Yaron ətrafını atəşə tutub.
Livan Hizbullahı bir bəyanatda elan edib: Müqavimət döyüşçüləri sionist düşmənin təcili yardım maşınını hədəfə alma cinayətinə cavab olaraq, çərşənbə günü yerli vaxtla saat 14:00-da işğalçı ordunun piyadalarını Duvio kazarması yaxınlığında hədəfə alıb və onlardan bəzilərini öldürüb, bəzilərini isə yaralayıblar.
