Məktəb ləvazimatlarının qorxulu tərkibi: Şagirdlər çiyinlərində “xərçəng deposu” daşıyır

Məktəb ləvazimatlarının qorxulu tərkibi: Şagirdlər çiyinlərində “xərçəng deposu” daşıyır

Publika.az “CNN Türk”ə istinadən xəbər verir ki, uşaq sağlamlığı və xəstəlikləri şöbəsindən Dr. Gökmen Alpaslan Taşkın ətirli silgi və tərkibində kimyəvi maddələr olan məhsulları almağı tövsiyyə etmir.

Onun sözlərinə görə, uşaq hər gün onun iyini alır və o qoxuya aludə olur:

“Məhsulların tərkibində olan azo və ftalat adlanan maddələrə diqqət yetirmək lazımdır. Kəskin qoxusu olan, mənşəyini bilmədiyiniz məhsulları seçməyin. Saxta qələm, dəftər, çanta kimi məhsullardan çəkinmək lazımdır. Xüsusilə azo 30 ppm-dən yuxarı olduqda daha təsirli olur. Türkiyədə məhdudiyyət var, ancaq Uzaq Şərq ölkələrindən gələn məhsulların nəzarətini bilmədiyimiz üçün bunun daha riskli olduğunu düşünürük. Uşaqların istifadə etdiyi qələmlər, rəngli karandaşlar, xəmirlər, pozanlar, xüsusilə boyalı və kəskin qoxulu silgilər, uşaqları cəlb etmək üçün satılır. Çox kəskin qoxusu olan və Uzaq Şərqdən gələn, hətta mənşəyini də bilmədiyi məhsullara üstünlük vermək olmaz”.

Həkim qeyd edib ki, digər maddələr kimi, oyun xəmirində kimyəvi maddələrdən istifadə olunur:

“Burada kimyəvi maddənin sağlamlıq baxımından zərərli olması ilə yanaşı, hansı dozada istifadə edilməsi lazım olduğu müəyyən edilməlidir. Bu dozalar artıq olmamalıdır. Onlara rəng vermək üçün istifadə olunan boyalar, forma vermək üçün mum və digər yağlar var. Buna görə də oyun xəmiri dediyimiz şey tamamilə kimyəvi maddələrdən hazırlanmış birləşmədir.

Ən çox görülən zərərlər dərinin rənglənməsi, qoxu, qıcıqlanma və allergiyadır. Bunun bir müddət sonra necə təsir edəcəyini bilmirik. Bəlkə də kanserogendir. Boyaların tərkibində müxtəlif kimyəvi maddələr var. Ftalatlar materialın elastikliyini artırmaq üçün istifadə olunur. Tənəffüs yolu ilə və ya dəri vasitəsilə bədənə daxil olur. Döş xərçəngi və insan orqanizmində hormonal sistemin pozulmasına səbəb olur”.

Publika.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

five + five =