Pekin: Amerika müharibə aludəçisi olub

Çin Milli Müdafiə Nazirliyinin sözçüsü Vu Qian ABŞ-ın tarixində münaqişəsiz cəmi 16 il keçirdiyinə diqqət çəkərək, “Amerika müharibəyə aludəçisidir.” – deyə bildirib.

ABŞ bu yaxınlarda “Çin Hərbi və Təhlükəsizlik İnkişafı Hesabatı”nı açıqlayıb.

Hesabatda deyilir ki, Pekin nüvə silahı, kosmos, kiber və digər sahələrdə hərbi imkanlarını ABŞ-ın əvvəlki təxminlərindən daha sürətlə inkişaf etdirir.

Çin Milli Müdafiə Nazirliyinin sözçüsü bu hesabatın faktlara əsaslanmadığını, uydurma və əsassız olduğunu bildirib və vurğulayıb:

Amerika müharibə aludəçisi olub və beynəlxalq düzəndə xaosun əsas mənbəyidir və bu ölkə öz tarixində münaqişəsiz cəmi 16 il keçirib.

Sözlərinə davam edən Vu Qian Çinin dinc inkişaf yoluna sadiq qaldığını vurğulayaraq Pekinin hər zaman müdafiə siyasəti yürütdüyünü qeyd edib.

O, həmçinin bildirib ki, Çin heç vaxt kiçik ölkələri incitməyib və heç vaxt güclü dövlətlərə arxalanmayıb.

Bu arada Amerika dünyanın 80-dən çox ölkəsində və Əfqanıstandan İraqa, Suriyadan Liviyaya qədər sərhədləri xaricində 800-dən çox hərbi baza yaradıb və Amerikanın döyüş maşını harada yerləşdirilirsə, insanlar çətinlik çəkirlər.

Sonda Çin Milli Müdafiə Nazirliyinin sözçüsü ABŞ-ın Ukraynaya tükənmiş uran bombaları və kaset bombaları göndərdiyinə diqqət çəkərək deyib:

O, təyyarədaşıyan gəmilərini Aralıq dənizinə göndərib və İsrail rejiminə silah və sursat verib.

Görəsən, bu, dünyanın müxtəlif regionlarında insan haqları müdafiəçiləri adlanan ölkənin verdiyi xoş xəbərdirmi?