Pentaqon: Kiyevə növbəti dəfə silah verilməsi ABŞ-nin döyüş hazırlığına təsir edə bilər
Pentaqonun Ukraynaya öz anbarlarından silah ötürmək imkanı var, lakin bu halda Kiyevə yardıma vəsait tükəndiyi üçün Birləşmiş Ştatlar öz döyüş hazırlığını saxlamaqla bağlı “çətin qərarlar” qəbul etməli olacaq.
Bunu jurnalistlər üçün keçirdiyi növbəti brifinqdə ABŞ ordusunun sözçüsü Patrik Rayder deyib.
“Biz 2024-cü ildə Ukraynaya dəstək vermək üçün əlavə maliyyəyə ehtiyacımızdan danışdıq”, Rayder qeyd edib.
Rayder xatırladıb ki, Pentaqonun ABŞ prezidenti Co Baydenin keçmiş sərəncamlarına əsasən, Ukraynaya təxminən 4,4 milyard dollar dəyərində silah tədarük etmək imkanı var.
