Pilot uçuş zamanı öldü

“Latam” aviakompaniyasının pilotunun səhhəti Mayamidən Çilinin Santyaqo şəhərinə uçan təyyarədə pisləşib. Təyyarə Panamada təcili eniş edib, amma pilotun həyatını xilas etmək mümkün olmayıb.

Publika.az xəbər verir ki, bu barədə TASS aviadaşıyıcının bəyanatına istinadən məlumat yayıb.

Qeyd olunur ki, Mayami – Santyaqo marşrutu üzrə hərəkət edən təyyarə üç aparıcı ekipaj üzvündən birinin vəziyyəti ilə əlaqədar Panamadakı Tocumen Beynəlxalq Hava Limanına təcili eniş etmək məcburiyyətində qalıb.

Aviaşirkət qeyd edib ki, uçuş zamanı pilotun həyatını xilas etmək üçün bütün zəruri təhlükəsizlik protokollarına əməl edilib, lakin eniş və yardımdan sonra o, dünyasını dəyişib.

Publika.az