Politico: Qərb demokratiyaları etimad böhranı ilə üz-üzədir

ABŞ, Fransa və Böyük Britaniya da daxil olmaqla yeddi Qərb ölkəsində seçicilərin əksəriyyəti onların demokratiyalarının beş il əvvəlkindən daha pis vəziyyətdə olduğuna inanır.

Bu barədə “Politico” “Ipsos”un keçirdiyi sorğunun nəticələrinə istinadən xəbər verib.

Hər 10 amerikalı respondentdən təxminən yeddisi demokratiyanın vəziyyətinin son illərdə pisləşdiyini deyib, Fransada isə sorğuda iştirak edənlərin 73 faizi bu fikirlə razılaşıb.

Eyni zamanda Birləşmiş Krallıqda hər 10 respondentdən 6-dan çoxu demokratiyanın beş il əvvəlkindən daha çox pisləşdiyini bildirib.

Nəticələr gələn il ABŞ, Britaniya və Avropa Birliyində keçiriləcək böyük seçkilər ərəfəsində demokratiyanın vəziyyəti ilə bağlı geniş narahatlığın olduğunu göstərir.

Bütün ölkələrdə seçicilərin təxminən yarısı demokratiyanın işindən narazı olduqlarını, əksəriyyəti isə sistemin zəngin və güclü tərəfdarı olmaq üçün saxtalaşdırıldığı və köklü dəyişikliklərə ehtiyac olduğu bəyanatı ilə razılaşdığını bildirib.

Təkcə İsveçdə əksəriyyət, yəni 58 faiz hökumət sisteminin işindən razı qaldıqlarını vurğulayıb.