Qəzzanın əvvəllər bombalanmayan bölgələri bombalanır
Xəbər mənbələri sionist rejimin Qəzzanın əvvəllər bombalanmayan bölgələrinə ağır hava zərbələri endirdiyini bildirib.
Mehr xəbər agentliyinin Əl-Cəzirə-yə istinadən verdiyi məlumata görə, İsrailə məxsus pilotsuz uçan aparat Livanın Litani çayının şimalındakı Cəbəl Safi yüksəkliklərinə doğru raketlər atıb.
Əl-Cəzirə telekanalının müxbiri Livanın cənubundakı Ulamauş-Şuəb qəsəbəsi ətrafında İsrailin artilleriya hücumları barədə məlumat verib.
Eyni zamanda xəbər mənbələri Aşkelon və Qəzza ətrafındakı sionist yaşayış məntəqələrində həyəcan təbili çaldığını bildirib.
Qəssam Briqadaları elan edib: Sionistlərin mülki şəxslərə qarşı cinayətlərinə cavab olaraq Zikim bazasını hədəf aldıq.
Sərayəl-Qüds də Kisuvim qəsəbəsini bir neçə raketlə hədəfə aldığını açıqlayıb.
Əl-Cəzirə müxbiri xəbər verir ki, bu şəhərdə həyəcan təbili çalınıb.
Bu, sionist rejimin Qəzzənin şimal və şərqində intensiv hava hücumlarının davam etdiyi bir vaxtda baş verib.
Əl-Məyadin kanalının müxbiri bildirib: İşğalçılar müqavimət döyüşçüləri ilə mübarizə apara bilmədiklərinə görə Fələstin xalqına qarşı müharibəyə başlayıblar. İşğalçılar fələstinli ailələrə qarşı gündəlik cinayətlərini davam etdirirlər. Ötən saatlarda daha əvvəl bombalanmayan ərazilər bombalanıb.
