Qrossi: İranla birgə mart razılaşmasının necə həyata keçirilməsi ilə bağlı danışıqlar davam edir

Beynəlxalq Atom Enerjisi Agentliyinin Baş direktoru İran səfərindən qayıtdıqdan sonra bildirib ki, mühafizə məsələlərini həll etmək üçün 2023-cü il mart razılaşmasının üsulları və icrası ilə bağlı danışıqlar davam edir.

Rafael Qrossi çərşənbə axşamı Vyanada jurnalistlərə verdiyi açıqlamasında 2023-cü il mart müqaviləsinin qısa müddət ərzində həyata keçirilməsi istiqamətində konkret addımların atılacağına ümid etdiyini bildirib.

O, əlavə edib: “Səfərimin məqsədi İranla ciddi danışıqlar aparmaq və birgə bəyanatın müxtəlif sahələrini əhatə edən bəzi konkret təklifləri araşdırmaq idi.”